وقت نجحت فالباك (يا حسرة ) ... البلدية إلي نسكن فيها نضمولنا بمناسبة يوم العلم حفل تفريق جوائز للتلامذة اللي جابو معدلاة باهية فماش ما يلقاو في هلتلامذة الخليفة المثالي لمعز الصوابني ...
وأنا بصراحة ملي نقرا فالسنة الأولى إبتدائي نكره هلحفلات هاذم ونكره كل ماهو تصفيق وتقبيل قدام الملأ ومصور يحبك تضحكلو وأمك تشيرلك بيدها وهي قاعدة فالصف الأول قدام الناس الكل وتحب توريهم إلي إنت ولدها موش تابع وحدة أخرى ... كنت نمشي أكثر حاجة على خاطرها هي باش نفرحها ... وباش هكك فالصيف تمشيلي شوية مصروف !!
الحاصل حكاية يوم العلم كنت رافضها على خاطر كنت نعتبرها (ومازلت) رويق فارغ ... وزيد ميلفوق الإستدعاء جابهولي واحد (عندنا نفس اللقب أما موش قريبي) في تكويرة على خاطر غلطو فالإسم ... بدات الوالدة كيف العادة تهجم:
- يعيش ولدي ... علاش تحرم في روحك من جائزة تستحقها ؟؟
-تي بوليتيك كلو ... حكاية فارغة وباش نفلت النصف نهائي متع التورنوا متع الفوت في جرت كتاب ومنقلة ... لا ما نحبش
-نعرفك ديمة وجه هدودو ... حشمان مالعباد شهمك فيهم ... برى ولدي يهديك ... أية نمشيو تو نلقاو طفلة باهية قارية تعرف عليها
- ههههه ... وحدك كي تبدى تهز وتنفض
- أمان ؟
- تي بربي تصورني طلع نبوس في رئيس البلدية ... محلاني عطي خدي لواحد ما يحشمش ... ولا هاك العمدة (السيد هذا من كثر ما يخمم فيا بعثلي إستدعاء متاع الجيش ملي عمري 18 سنة ) ماو تعرفني قداش نبخر بريحتو... يعيش ميمتي فك علينا منهم !!
- باهي أهوكة ما تاخوش بخاطري ... وأنا فخورة بولدي ووو-
- باهي باهي يزي ... أما ما نلبسش سروال ... نمشي بشرط وشلاكة بو صبع وبرشة فيهم
- باهي باهي يزي ... أما ما نلبسش سروال ... نمشي بشرط وشلاكة بو صبع وبرشة فيهم
وجاء اليوم الموعود ... نهار في أوت ... سخانة يا لطيف وهما جايبينا في غرغور القايلة وطالع أنا والوالدة للمعهد باش يعطوني وسام إلي بصراحة عجبني خير ملكتب إلي مستانس ناخذهم ...
يومها وبما أنهم كانو تلامذة مصفيين من أطباء متخرجين جدد ومهندسين واساتذة وووتلامذة بكالوريا ... عطاو لكل واحد دقيقتين باش يوجه كلمة في الميكرفون ... انا كي شفت الحكاية هك تحمست ووليت نستنى في دوري ...
الوالدة شافتني متحمس شمتها قارسة وبدات توصي :
-نعرفك لسانك ما يهنيش ... تمشيش تفضحني ؟؟
- شنية ما يهنيش ؟؟ على خاطر نطالب بحقي ؟؟
-إليوم ما طالب بشي ...كيف صحابك نحبك شوف محلاهم ... اشكر إنس الكل ...عيلتك البلدية المعهد والرئيس زادة ...
-إم تو نشكرهم ...
-عيش ولدي بلاش مشاكل ... سمعتني ؟
-شعندي قلت ؟؟ باهي تو كل واحد يستحق الشكر نشكرو ...
-باهي ريتها أسماء إلي تقرا سيونس والله محلاها
-عندها شكون ... (وألحق يقال ... حيرتلي مواجعي)
وقبل ما تزيد تسالني عيطولي ... طلعت ونحس في روحي سخنت في ضرف 10 ثواني ... حسيت إلي الكلام إلي في مخي باش يحشم الوالدة وباش يجيبلي مشاكل لكن كنت عازم على أني نقولو لأني مانيش باش نسب أو نجرح ... رئيس البلدية عملي بوسة على خدي بالعرق ... خلاني فقدت تركيزي وحاولت نمسحها مغير ما نشلق لكن ما نجمتش ... استحملتها وتوكلت على المولى ...
أنا شديت الميكرو في يدي و أمي بدات تتبسملي وكأنها تحب تقلي "أهوكة كيف ما وصيتك"
يتبع
7 تعاليق:
يا حسرة على الباك و يوم العلم، و جمعية أمهات تونس و لجنة التنسيق، و دار المربي... و غيرها. ذكريات :)
في انتظار بقية الحكاية
Moi personnellement j'attends la suite, comme c'est bien de revivre ces souvenirs
Très bien écrit :) à la suite
ههه بوسة معتمد وزيد بالعرق ؟؟ وععع ..شوقتني باش نعرف شقلت في الميكرو...
Ca me rappelle un passage dans le roman Chicago de Alaa El Assouani, c'était trop fort , mais avec d'autres formes de sueurs :D
Vivement la suite
@ تحلم بالسعادة :
مرحبا بيك ... شرفتنا زيارتك والتعليق كذلك ... شفت بربي جامعيات ونوادي كلها مشات هباء ... ما عادش عندنا الحكايات الحلوة هذي :(
@:
illusions
Merci pour ta visite, et la suide viendra ... juste je mets un peu de suspense :p
@bentbinzart:
حومة شامتة فيا ؟؟ عجبتك بوست المعتمد ؟؟ سنين الله تعداو ولتو نتفكرها ... نعود بعد الفاصل انشالله
@Venus:
Selon ma petite expérience avec la sueur il y a à peu près quatre grandes familles:
-sueur causée par la chaleur
-sueur causée suite à une activité sportive
- sueur résultante du stresse
-sueur causée par une activité "sportive" ...
sinon la suite viendra ;) et thanks pour le com (ma chère lectrice)
j'attire ton attention cher ami banafsajist que tu commences à lever et à remettre (enfin la bête traduction de théz ou tossbot pffff)
alors pour la sueur causée par la chaleur et activité sportive ca revient au même , et donc je te propose une autre classification (pfff 9addech bech ndoumlék brabbi ;DDD )
- sueur suite à la chaleur (activité sportive cahleur et activité elli béli bèlék)
- sueurs froides comme par exemple ton père ouvre la porte juste au moment où tu t'apprête à faire crack crak avec ta copine ou de fumer ton joint)
- sueurs suite à un manque et là ca vient avec des tremblements et des vertiges (manque de nicotine pour ne pas dire d'autres substances
- sueurs suite à une bonne dose de Tekila qui te remonte illico à la tête
- sueurs de peur quand la police t'arrête alors que tu as bu, tu n'as pas de permis et t'as payé l'assurance
enfin !!!!!
hehehe
Voyons voir ce que tu as dis n'est pas finalement si loin que ca de ma "configuration" de la sueur :p
Je vais numéroter tes différents "types de sueurs" de 1 à 5 en partant du haut pour ne pas avoir à tout retaper...
En faite si je prend en compte ta façon à regrouper la chaleur et le sport ...alors dans ce cas là pour la 2 et la 5 je les mets dans la famille de sueur suite à un stresse !!
Ensuite pourquoi je sépare chaleur et sport car à 50°C même si tu ne bouge pas eh bein tu pue ... et pour le sport même à -2°C si tu fais un vrai sport comme il se doit tu va transpirer à mort (et je te parle pas de l'odeur des aisselles ensuite :D)... (certes dans les deux cas la sueur vient après un "échauffement" du corps ... donc en prenant en compte l'effet qu'a eu lieu sur le corps pour générer de la sueur dans ce cas la je suis dac ac toi et c'est pourquoi j'ai écris le paragraphe précèdent celui ci)
Pour la 3 et 4 je n'y ai pas pensé au début mais on peut aussi (avec le même raisonnement)mettre les deux dans une même classe "sueur suite à un mauvais dosage" que ce soit en positif ou en négatif (hedhi j'avoue j'ai fait un peu exprès pour trouver un point en commun :D)
إرسال تعليق
أعطي رايك